Гости сме во дворот на Ѓоре Златановски во скопската населба Драчево. Преубавиот двор се простира на околу шестотини квадратни метри.
Ѓоре по професија е шофер-дистрибутер, додека сопругата Даниела е медицинска сестра на Детската клиника.
Ангажманите околу дворот на Ѓоре и Даниела им се поделени, таа е одговорна за снабдување на цвеќиња и декорации, додека работата на Ѓоре, како што ни вели, е садењето и одржување на тревникот. Данила ги полева цвеќињата, ги негува за да израснат во убавици и да ја сочуваат својата раскошна убавина. Но, не е само дворот, тука е и расцветаниот балкон, па така работа има колку сакате…
– Петунијата сака сонце, сарделата е исто така издржлива на сонце, а на балконот имаме бегонии зашто тие сакаат сенка – ни објаснува Ѓоре.
На Ѓоре и Даниела со заеднички сили им треба секојдневно по најмалку еден час посветеност на дворот и растенијата. Тука е и нивниот бунар од 41 метар, па водата е мераклиски чиста и свежа и – вели Ѓоре – испитана.
За дворот да изгледа вака раскошно, постојано се обновува со цвеќиња.
– Цвеќињата ги купуваме од Китка планет во Пинтија, и со нивни совети ги одржуваме – додава тој.
Инаку, Ѓоре е член на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Даниела и Ѓоре.
Фото-приватна архива
(Фото сторија) Бранко Петрески ни ги открива тајните на калата; од нив има цело царство
