Хрватската писателка Ведрана Рудан на сите верници од католичка вероисповед им го честиташе Божиќ.
Ведрана, инаку, во моментот води борба со ракот, а на Фејсбук сподели фотографија од домашно милениче кое секогаш ѝ прави друштво.
– Среќен Божиќ, особено на оние со рак и на оние кои ги лекуваат – напишала Ведрана во описот на фотографијата.
Нејзиниот син Славен Хрватин објави низ што поминува Ведрана, како и многу други болни од рак во Хрватска.
– На сметката на Ведрана, Владата денеска уплати 80 евра за Божиќ – пишува во објавата и продолжува:
– Вечерва во аптека ни рекоа дека пред два дена ХЗЗО одлучи да воведе доплата од 17 евра за онколошките пациенти за медицинските хранливи напивки кои им помагаат на многу онколошки пациенти, особено на оние кои не можат да јадат цврста храна, помагаат да преживеат.
Тој додал и дека 80-те евра што ги добила неговата мајка и другите пациенти не значат ништо, бидејќи трошоците се многу поголеми.
– Додека ХЗЗО не знаеше дека пензионерите кои страдаат од рак ќе се збогатат преку ноќ, оваа храна им беше бесплатна. Ништо не ви вели „Среќен Божиќ“ како 80 евра, минус трошоците за преживување – објавил синот на Ведрана на фејсбук-страницата на мајка му, која тој ја води.
