Саша Матиќ го посети гробот на легендарниот Кемал Монтено во Бара во Сараево и истакна дека тој е еден од најголемите музичари на нашите простори.
Матиќ престојува во Сараево по повод промоцијата на неговиот солистички концерт, кој ќе се одржи следната година, на 8 март во салата Зетра во Сараево.
За време на посетата на Сараево, Саша решил да го посети гробот на легендарниот пејач и пријател.
“Кемал Монтено беше мој голем пријател, а првенствено беше сериозен музичар и кантавтор. Еден од најголемите на нашите простори. Жал ми е што никогаш не ми беше гостин на концерт. Само да имав малку повеќе среќа да можеше да ми биде гостин во Зетра на 8 март, а не да сме сега овде. Но не успеа. Господ не дозволи“, изјавил Саша.
Вториот концерт на Саша во сараевска Зетра ќе се одржи следната година, а повторно се очекува рекордна посетеност и спектакл сличен на оној од пред пет години, кога Зетра беше распродадена пред 20 дена. Но, овој пат ќе биде составен од сосема нови сегменти и на светлосна и звучна продукција кои досега не се видени на неговите концерти.
