Јована Јеремиќ, водителката на утринската програма на српската телевизи „Пинк“, има нов партнер – богатиот бизнисмен Драган Станковиќ, кој не престанува да ја опсипува со љубов и подароци.
Јована за Нова година од него добила златна чанта „Долче и Габана“ која чини 2.500 евра и во Србија не постои личност која освен неа го поседува тој модел на чанта.
– Драган ми ја подари. Инаку, јас во животот не би дала толку пари за чанта. Тоа тој го купува. Самиот дојде, рече дека ми е новогодишен подарок. Една единствена во Србија беше златната „Долче и Габана“. Човекот се скрши додека да ми најде. Тоа ми подари за Нова Година, си мислам во себе, до Нова година ќе има уште десет чанти – рекла Јована за „ПулсОнлајн.рс“.
Јована открила и со што ги заслужила овие подароци.
– Мора да си многу добар човек. Мене сè ми се допаѓа кај него. Ги сакам неговите усни, го сакам неговиот поглед, ги сакам очите, челото, стапалата, прстите, грбот, сето тоа го бакнувам, сето тоа го сакам. Да сакав да нацртам човек како Драган, немаше да успеам – истакнала Јована.
Водителката открила и како ја замислува својата иднина.
– Никогаш нема да се омажам за маж кој не може да ми понуди повеќе од тоа што имам. Апсолутно посакувам да имам голема куќа на Дедиње со базен, за да можам сè да имам во таа куќа и своја сауна и своја теретана и своја спа бања. Мора да имам држава во држава, град во својата куќа. Јас не сакам да излегувам од куќата, сакам сè тука да биде. Сакам во некој период од мојот живот што следи да се посветам максимално на работата на телевизија – истакнала Јована.
Фотографијата од златната чанта „Долче и Габана“ можете да ја погледнете ТУКА.
