Дијана Петковска не се паши од работа. Имено, работи во дабрика во три смени. А сепак, наоѓа време и за дворот. И што е најважно – за оваа убавина, прилично големиот двор, одговорна е самата таа!
– Отсекогаш сум била љубителка на цвеќиња – ни вели Дијана.
Дворот се простира на двестотини квадратни метри, а се наоѓа во село Лажец, оддалечено 15 километри од Битола.
– Ги сакам многу петуниите и сурфиниите, некако ми се многу харизматични. Оваа година имам и 1001 цвет, имам трендафили, лимони, зокуми, кампанули, калиопи, неколку сардели… – ни ги набројува цвеќињата кои доминираат во дворот.
Но тоа не е се, има и ловоров лист, рузмарин, емпатии…Неколку зимзелени борчиња, куќна среќа, чувар на куќата…Накусо, убавина до убавина!
Се разбира, време и посветеност треба за дворот. Но иако презафатена, тоа не ѝ е проблем на Дијана.
– Секогаш наоѓам време за цвеќињата, кога би била послободна и повеќе би им се посветила. Ама работата во три смени не е лесна – признава таа.
Советува дека за дворови кои се под сенка идеални цвеќиња би биле емпатиите и не сакаат многу големо внимание, само вода, додека на „шарена“ сенка одлични се палмата и хортезиите.
За Дијана предизвик во врска со дворот е тоа што секогаш сака да биде среден, требата искосена, или како што вели – „и најмало пердувче или непотребно ливче се наведнувам да го отстранам“.
– Би средила и поубаво – открива – имам бројни идеи, ама не само време, треба и финансиски средства.
Совет од Дијана за оние кои сакаат да почнат да се занимаваат со одгледување на цвеќе?
– Пред сè треба да сакаат да го одгледуваат, а јас не знам некој едноставно што не сака цвеќе.
Инаку, Дијана е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Уживајте во прекрасната фотогалерија од дворот на Дијана во село Лажец.
Фото – приватна архива
