Ѕвездата на серијата „Пријатели“ Метју Пери (54) е пронајден мртов во својот дом во Лос Анџелес, а „Њујорк пост“, ја пренесува последната фотографија која Пери ја објави на својот Инстаграм.
Фотографијата на која е во базенот (џакузи) во својот дом со слушалки на главата, тој ја објави на 23 октомври на Инстаграм.
„Ох, толку топла вода што се врти наоколу прави да се чувствуваш добро? Јас сум Метман“, ја напишал Пери таинствената порака.
View this post on Instagram
Истиот ден, тој сподели снимка од Месечината и донекаде појасни дека „Метмен“ е референца за „Бетмен“.
„Дали разбирате што се обидувам да ви кажам? Јас сум Метмен“, напишал актерот.
View this post on Instagram
Пет дена по овие објави, Пери е пронајден мртов во неговиот дом. Се претпоставува дека тој починал како последица на случајно давење во неговото џакузи.
Извори од американските медиуми наведуваат дека на местото на настанот не била пронајдена дрога, а не постои сомнеж за насилна смрт.
Пери бил на рехабилитација најмалку 15 пати, а во последните години имал дури 14 операции.
Тој зборуваше за своите демони во мемоарите „Пријатели, љубовници и големата страшна работа“ во 2022 година.
