Во квартот Алстердорф во Хамбург се случи крвопролевање во црквата на Јеховините сведоци, кога беа убиени неколку луѓе. Кобните истрели биле испукани вчеравечер околу 21 часот, а според информациите на БИЛД, сторителот или сторителите побегнале, но новите информации велат дека постои сомнеж дека сторителот е мртов.
At least 30 people have been shot including 7 confirmed dead at a church in Hamburg, Germany. The incident began at 9pm local time. (6AM AEST)
The government issued an emergency alert to nearby residents: “In the danger area, stay where you are and do not go outside.” @6NewsAU pic.twitter.com/DjCt8nRfEa— Roman Mackinnon (@RomanMackinnon6) March 9, 2023
Полицијата во Хамбург го смета нападот врз црквата на Јеховините сведоци во кој беа убиени седум лица како изолиран инцидент, јави агенцијата ДПА.
Полицијата соопшти дека на местото на настанот пронашла мртво лице за кое веруваат дека би можело да биде напаѓачот.
Се уште не се познати мотивите за нападот. Непознат сторител застрелал најмалку седум лица и ранил неколку други во црквата на Јеховините сведоци во Хамбург. Полицијата пријавата ја добила околу 21 часот и 15 минути.
Полицајците кои влегле пронашле луѓе кои „биле сериозно повредени од огнено оружје, а некои биле убиени“, рече Холген Фереин, портпарол на полицијата.
Претходно, полицијата преку апликација за тревога ги повика жителите да се засолнат и да не излегуваат од куќите се додека сторителот или насилниците се во бегство. „Барајте засолниште што е можно побрзо“, се вели во пораката.
Воедно се апелира до граѓаните да не шират лажни вести преку социјалните мрежи. Местото на нападот е опколено од полицијата, а таму сега се и специјалните единици.
