Хрватската пејачка Северина објави песна со интересно име „Пумпај, Севе брате“, а на социјалните мрежи откри дека има за цел да ги охрабри жените со нагласување на машките слабости.
– Драги мои, јас ги напишав текстот и музиката за песната „Пумпај, Севе брате“, а драгиот Звонимир Хорват направи аранжман во ромски ритам, кој го комбинираше со мојата поп мелодија. „Пумпај“ е извик што носи енергија, ритам и став – често се користи во музиката, спортот и на журките како повик за акција или за подигнување на атмосферата.
Во секојдневниот говор, може да значи и „туркај понатаму“, „не запирај“ или „дај гас“ – без разлика дали станува збор за забава, работа или емоции. Во оваа песна, „пумпај“ има ново значење – тоа е женски повик за собирање против пасивните, лажни и незрели мажи. Тоа е збор што го носи ритамот на Балканот – гласен, духовит, повеќеслоен и секогаш полн со живот.
Не е познато дали песната е инспирирана од вистински настани, но едно е сигурно: „Ако ти е гајле — пумпај. Ако си фраер — признај. А ако не си — благодарам, следниот“, напиша Северина на Фејсбук.
Новиот хит на Северина го коментираше и српската пејачка Јелена Карлеуша на социјалната мрежа Икс, која порача дека песната е „cringe“ и дека на Севе итно ѝ е потребна помош.
„Она што го сними Шизо Северина не е ниту кринџ. Многу вознемирувачки. Мислам дека луѓето во Хрватска треба некако да ѝ помогнат“, открила ЈК.
