Иако имаше успешна музичка кариера, српскиот пејач Милан Станковиќ веќе неколку години е повлечен од јавниот живот и сѐ повеќе е посветен на православната религија.
Српските медиуми неретко објавуваат негови фотографии од разни манастири во регионот, најчесто на Света Гора во Грција, еден од најзначајните православни центри во светот.
Сосема неочекувано, минатата недела пејачот беше забележан на техно журка во Белград, а сега повторно го привлече вниманието со најновата објава на својот инстаграм-профил.
„Сите мои додатоци во исхраната“, напиша Станковиќ на фотографијата, на која држи десетина лекови во својата рака.
Оваа објава ги загрижи неговите обожаватели, кои се запрашаа дали пејачот претерал со суплементите и дали е во ред да испие толку лекови наеднаш.
