Познатиот рокер Лени Кравец е во Белград. Славниот музичар во тајност слетал во Белград ден пред големиот концерт на Ушќе, а белградските папараци го фотографирале во центарот на градот, кога со својот тим излегувал од познат ресторан.
Кравиц бил одлично расположен, а сега се појавија фотографии од тајната забава на која присуствувал, а на која била и една од најбогатите Србинки – Ана Дивац, сопруга на легендарниот кошаркар Владе Дивац.
Ана Дивац објавила фотографија со популарниот пејач и ги воодушевила сите.
View this post on Instagram
Судејќи според нејзините објави, синоќа во познат белградски ресторан во центарот на Белград се одржала приватна забава, на која се појавил и Лени, а сè било во строга тајност.
Ана гордо ја објавила нивната заедничка фотографија на својот инстаграм-профил, а заедно со сликата на која двајцата се видливо расположени и со насмевка на лицата, кратко напишала: „Добре дојде во Белград“.
Ана објавила и фотографија со еден од членовите на тимот на Кравиц, а потоа на нејзиниот профил се појавила и фотографијата со самиот Лени.
За оваа пригода, таа носела тесна, црна комбинација и ефектно сако во зелена боја, додека Лени Кравиц бил во својот препознатлив стил – фармерки и кожена јакна, каубојски чизми, темни очила за сонце и впечатливи додатоци.
Ана Дивац фотографирала и еден детаљ на масата – необична саксија со цвеќиња, со опис: „Приватна забава“.
Лени Кравиц, музичар чии хитови обележаа генерации, уметник кој ги полни арените ширум светот и секој настап го претвора во чиста магија, подготвува спектакл во Белград.
Тој утре ќе настапи на Ушќе, а со него доаѓа и ДЕ’ВЕЈН, рок-ураган на новата генерација кој го освојува светот со брзина на светлината.
Неговата харизма, енергија и безвременски звук одамна ѝ се познати на публиката, па затоа се очекува вечер полна со адреналин, легендарни хитови и настап што ќе се памети со години.
