Српскиот актер Лазар Ристовски (71) заедно со поранешната сопруга Даница и синовите Петар и Јован вчера присуствувале на прес-конференција по повод почетокот на емитувањето на новата серија „Тунел“.
Лазар и Даница глумат заедно во споменатата серија, а актерот во една сцена целосно се разголил.
Имено, сцената е снимена во ординација каде Лазар го прегледувал лекар, тој не носел ништо во таа сцена, па славниот актер со овие кадри привлече големо внимание.
Инаку, на прес-конференцијата Даница и Лазар седеле одделно. Даница била цела во црно, таа седела до синот Јован Ристовски, а Лазар седел со другиот син Петар, кој ја водел конференцијата и кој воедно и ја режирал серијата.
Да потсетиме, Лазар неколку месеци по разводот се впушти во нова романса, со 39 години помладата колешка Аница Лазиќ, со која сподели и заедничка фотографија на Инстаграм.
Тој за српски „Блиц“ откри дека е среќно вљубен во својата нова партнерка, што може да се заклучи и од профилите на социјални мрежи, каде често ги коментира нејзините фотографии и ѝ се обраќа со „Среќа“ и „Љубов“.
View this post on Instagram
Привлечени од информацијата дека живеат заедно во Белград на вода, а се гледаат и во неговата семејна куќа во Земун, екипата на „Блиц“ одлучила неодамна да ја посети населбата на актерот.
– Сè додека не се појави информацијата во медиумите, не обрнувавме внимание, ги гледавме заедно но не мислевме дека се пар.
– Претпоставувам затоа што таа е многу помлада, а искрено не знаев дали има ќерка, па мислев дека тоа е едно од неговите деца. Сега кога знам, сигурен сум дека живеат таму – рекол еден од соседите, Данило, додека неговата девојка Маја додала:
– Во овие згради живееме подолго време, а мислам дека тој се всели неодамна. Не знам дали веднаш се преселила кај него, но тука е. Можете лесно да ги видите во блиските кафулиња или како се шетаат низ трговскиот центар.
