Медоув Вокер, ќерката на покојниот Пол Вокер, се огласи на својот инстаграм – профил и сподели слика од снимањето на новиот филм „Брзи и бесни“ и нејзиното искуство на сетот.
View this post on Instagram
– Првиот филм „Брзи и бесни“ излезе кога имав една година! Пораснав на сетот гледајќи ги татко ми, Вин, Џордан, Мишел, Крис и другите на екранот. Благодарение на татко ми, се родив во семејството Fast&Furious. Не ми се верува дека сега ќе можам да бидам дел од франшизата заедно со оние кои ме гледаа како растам, напиша таа во описот на објавата.
View this post on Instagram
Таа му се заблагодари на режисерот на филмот „Брзи X“, Луис Летериер, за неговата „љубезност, трпение и поддршка“.
– Се чувствувам како да сте дел од семејството од кога започнавме, мило ми е што ова е само почеток, додаде таа.
View this post on Instagram
Таа, исто така, се заблагодари на, како што рече, најдобриот пријател на нејзиниот покоен татко, кој сега е нејзин најдобар пријател, продуцентот Брендон Биртел, додавајќи: „Ова не би било можно без тебе“.
View this post on Instagram
Манекенката на крајот напиша дека е благодарна што имала можност да му оддаде почит на татко ѝ преку оваа улога.
Пол Вокер почина во 2013 година на 40-годишна возраст. „Furious 7“ беше последниот филм во кој глумеше, а сцените кои не можеше да ги заврши ги презедоа неговите браќа Кејлеб и Коди, чии лица беа заменети со CGI технологијата.
