Српската пејачка Јелена Карлеуша од неодамна силно го поддржува претседателот на Србија, Александар Вучиќ, иако во минатото не беше баш така.
Јелена сега преку социјалните мрежи, гостувања во емисии и на разни други начини изразува симпатии кон Вучиќ и ги навредува сите кои имаат поинакво мислење.
Пејачката сега на Инстаграм го прозва и Богољуб Кариќ за наводно предавство на актуелниот претседател на Србија.
Имено, Кариќ реагираше на твитот на пејачката Сека Алексиќ која објави видео од протестот „Србија против насилството“. Тој напиша: „Сека кралица“, што беше доволно за Карлеуша да се нафрли по него.
Beograd 27/05/ 💙 pic.twitter.com/heh3dtaR9B
— Seka Aleksic (@poslednjilet) May 27, 2023
Иако Богољуб објасни дека неговата реакција е само израз на поддршка за неговата „долгогодишна пријателка“, и дека нема ни збор за предавство, Јелена грубо го обвини за разводот од нејзиниот прв сопруг Бојан Кариќ, како и за многу други работи.
„Богољуб Кариќ. Уште една бизарна приказна меѓу многуте што се случуваат деновиве во нашето општество е предавството на Богољуб Кариќ. Го изневери токму оној кој му даде шанса да се врати во земјава откако претходната власт го прогони. Еден бизарен твит на не многу интелигентен, но многу перфиден опортунист на уште побизарен твит на несвесна пејачка, ја разоткри суштината. Србите се предавници. Србите не се лојални и Србин му забива нож во грб на Србин. Посебно ако е грбот на човекот кој ти го спасил дебелиот, мрсен, милијардерски задник. За Богољуб нема рафално да го искажам своето мислење, бидејќи имам почит кон Бојан Кариќ. Мојот поранешен сопруг. Го сакав и го почитував неговиот покоен татко Сретен“, напиша Карлеуша.
„Богољуб Кариќ е човекот кој направи се за да се разведам од Бојан. Тој договори телохранител да дојде на нашата врата во 7:15 наутро и да ми ги покаже пораките што никогаш не сум ги пратила. Богољуб беше сопственик на мобилната телефонија. Бев немоќна. Мојот тогашен сопруг му поверува на „чичко Боги“ затоа што „сите пејачи се к*рви“. Телохранителот доби автомобил, така слушнав. Јас добив медиумски линч и развод“, продолжи пејачката.
„Никогаш не го изневерував Бојан. Нека е здрав и жив Бојан и неговото прекрасно семејство. Но Богољуби?! Кој ми ја носеше Цеца да ми се смее пред нос на семејни веселби, иако ттука седеше и татко ми кој ја уапси во „Сабља“ за дружење со убијците на премиерот? Не постои таков морален кодекс. Секако дека му заби нож во грб на Вучиќ. Таквите луѓе секогаш им забиваат нож во грб на сведоците на нивното минато, корупција и лигавење“, заклучи Јелена Карлеуша на Инстаграм.
View this post on Instagram
