Музичката ѕвезда Јелена Карлеуш направи целосен колапс синоќа во Црна Гора, поточно во Игало, каде што одржа концерт и го собори рекордот на посети во тоа летувалиште.
Карлеуша ја распаметила публиката во жежок летен костим во впечатливи розови хеланки/чизми од луксузниот бренд „Баленсијага“ и топ во истата боја, кој ги истакнал нејзините облини и ја нагласил нејзината завидна фигура.
Комплетниот стајлинг бил надополнет со нејзината долга, распуштена платинеста коса која се веела додека владеела со сцената, додека модерниот качкет дополнително го надополнил нејзиниот препознатлив имиџ.
Но, Јелена имала и мал проблем да стигне до клубот, бидејќи на неколку стотини метри пред влезот, ја преплавила маса обожаватели кои не успеале да си обезбедат билет.
Сите врескале и ја снимале музичката дива, а во еден момент од видеото може да се слушне како некој вели „Како да дојде Тито“, што според она што може да се види од снимките, така и изгледало.
View this post on Instagram
Кога стапнала на сцената, можело да се слушне истиот вресок што ја дочекал пред дискотеката, а потоа Јелена им подарила на своите обожаватели ноќ за паметење.
По успешните концерти по црногорскиот брег, Карлеуша нема намера да забави. Следните станици на нејзината летна турнеја се Македонија и Копаоник, каде што се очекуваат и спектакуларни настапи пред распродадени места.
