Иако успешно се занимава со музика цели три децении, победникот на музичкото натпреварување „Никогаш не е доцна“ Кире Науновски од Свети Николе, се бори со сериозен проблем.
Кире во една прилика раскажа како се обидува да ја надмине тремата на сцена, а за време на натпреварувањето често гледаше кон неговата сопруга.
„Поради зборовите во песната ја гледав сопругата, но и поради нејзината несебична поддршка, бидејќи тоа многу ми помогна. По природа сум личност која има многу трема, не ни знам зошто. Така сум роден и тоа е голем проблем за мене генерално“ – рече Кире.
Пејачот призна и дека поради еден човек решил да го надмине сценскиот страв што отсекогаш го имал и да се пријави на натпреварувањето.
„Главната причина зошто решив да направам таков чекор е Жика. Тој е многу позитивен човек, никогаш не сум видел таков човек. И знаев дека во секој случај тој ќе ми ја ублажи тремата, па се охрабрив и решив да аплицирам. За среќа, самото жири е составено од многу позитивни луѓе, Маре и другите, па дури и да имате трема од сцена, ќе ја изгубите кога ќе ги видите“ – објаснува Кире.
Кире рече дека до крајот на животот ќе памети еден коментар што го добил за време на учеството во шоуто.
„Првиот коментар што ми го кажа Саша Милошевиќ Маре, бидејќи тоа беше мојот прв настап и бев многу вознемирен. И кога ги слушнав зборовите на Маре, бев пресреќен“, вели тој.
Пејачот призна и дека има голема цел пред себе, за која верува дека никогаш не е доцна.
„Си зацртав цел дека морам да пеам како Шабан, Шериф или некој од тие големи имиња. Не знам дали мојата желба е остварлива или не“, рече Кире, пишува Grand.rs.
