Државниот секретар за социјална економија и јавен живот на францускиот премиер, 40-годишната Марлен Скиапа, се најде во центарот на скандал откако позираше за магазинот „Плејбој“ и во интервју зборуваше за правото на жените слободно да ја изразуваат својата сексуалност.
On vous dévoile la séance photo de Marlène Schiappa dans Playboy 👇 pic.twitter.com/JEw04I7Lum
— BFMTV (@BFMTV) April 4, 2023
Актот на министерката енергично се дискутира во француската влада, медиумите и на интернет. Напис за скандалот беше објавен и во Њујорк Тајмс.
Најмногу од се, чинот на Марлен Скиапа ја налути помладата министерка за еднаквост Изабел Рим. Изабел била навредена што Скиапа која ги брани феминистичките ставови и се бори за еднаквост, се појави на насловната страница на „сексистички магазин“.
„Зошто го избравте Плејбој да ги промовира правата на жените кога ова списание е збирка на сите сексистички стереотипи? Плејбој никогаш нема да биде наш сојузник“, ја цитира „Ле Фидаро“ нејзината изјава. Портпаролот на владата Оливие Веран зборуваше во одбрана на министерката: „Марлен Скиапа се бори за правата на жените, кои никој не може да и ги одземе или да ги доведе во прашање“.
The French cabinet minister Marlène Schiappa posed in a white dress on the cover of French Playboy. Critics have questioned her choice of publication, and called the magazine shoot a distraction amid nationwide protests over a new pension law. https://t.co/BMcEo7Ztjn
— The New York Times (@nytimes) April 7, 2023
Многумина, сепак, се сомневаат во соодветноста на појавување во такво списание во време кога брановите на протести против новиот закон за зголемување на старосната граница за пензионирање ја зафатија земјата. Премиерката на земјата, Елизабет Борн, сметаше дека е неопходно лично да ја прекори Марлен по телефон. „Тоа беше несоодветно, особено во вакво време“, ја цитира Њујорк Тајмс нејзината изјава.
Пратеничката и екофеминистка на Зелените Сандрин Русо истакна дека г-ѓа Скиапа позирала во боите на Француската Република кога земјата била под екстремен стрес. „Тоа е непочитување кон она што се случува во моментов во општеството“, рече таа.
Вчерашното сензационално издание на списанието со Скиапа на насловната страница, излезе во продажба и предизвика нов бран на дискусии. За насловната страница, Марлен позираше на позадината на француското знаме: на фотографијата е прикажана во бел фустан, со десната рака притисната на срцето. „Бранењето на правото на жените да го контролираат своето тело е важно секогаш и секаде. Во Франција жените се слободни. Не обрнувајте внимание на злонамерните и лицемерите“, напиша таа на Твитер.
Défendre le droit des femmes à disposer de leurs corps, c’est partout et tout le temps.
En France, les femmes sont libres.
N’en déplaise aux rétrogrades et aux hypocrites.#Playboy— 🇫🇷 MarleneSchiappa (@MarleneSchiappa) April 1, 2023
Насловната фотографија беше алузија на симболот на француската слобода – сликата на уметникот Ежен Делакроа „Слободата го води народот“ (или „Слобода на барикадите“). На познатото платно, девојка во фустан кој ѝ паднал од градите ги води граѓаните низ барикадите, држејќи пушка и француско знаме во рацете. „Тоа не беше дел од нашите планови. Но, идејата беше да го отелотвориме овој дух“, рече помошникот за комуникации на Скиапа, Јенад Млараха.
На 12 страници на списанието Марлен е прикажана на неколку фотографии, за кои позирала во облека во националните бои на Франција. Таа позира како легендарните француски фигури, вклучувајќи ги Јована Орлеанка и Луј XIV во лелеава црвена наметка.
