На инстаграм-профилот на Раша Новаковиќ, сопругот на српската пејачка Гоца Тржан, утрово осамна видео од поплавена соба во нивниот дом во Раковица.
Видеото стана вирално, па редакцијата на српски „Телеграф“ ги контактирала Гоца и Раша за да видат каква е состојбата.
Се јавил Раша и открил каква е штетата по поплавата.
– Саниравме сè, штетата не е голема… Тоа е една соба. Направивме семејна работна акција и завршивме. Ништо страшно – рекол Раша за „Телеграф“ и се пошегувал дека тоа, всушност, била реклама за џогери.
Сето тоа уследи по обилните дождови кои ја погодија цела Србија.
Раша на својата приказна на Инстаграм покажа соба полна со вода и мебел како плива во неа.
Тој и Гоца цело време собирале вода со крпи, а во еден момент рекол:
– Некоја апарат за испумпување на водата би бил добредојден – рекол додека го бришел подот.
За жал, освен домот на оваа позната двојка, поплавени се уште многу други домови во Србија.
