Пејачката Анѓела Игњатовиќ, попозната како Бресквица, при пристигнувањето во Игало, Црна Гора, се соочила со неочекуван проблем, за што ги известила своите следбеници. Таа прво слетала во Тиват со своето момче, а во наредниот период ќе има настапи во Црна Гора.
Меѓутоа, младата пејачка открила дека останала без своите работи и без сè што ѝ треба за настапот, но тоа не ја спречило да приреди феноменална забава.
„Со оглед на тоа што ги немам своите работи и дека едвај стигнавме во Игало, вечерва ме гледате без шминка и без сè што е потребно за настап. Но, важно е да се направи добра журка“, напишала таа, покажувајќи професионалност и подготвеност да се прикаже енергичен настап без оглед на околностите.
Да потсетиме, по големиот успех на песната „Гнездо орлово“ со која го освои второто место на српскиот избор за „Песна на Евровизија“, младата пејачка работи со полна пареа. Неодамна некои медиуми објавија дека цената на нејзините настапи изнесува дури 10.000 евра.
