Минатата година медиумите и јавноста збореа за гала венчавката на фолк-пејачот Дарко Лазиќ и неговата избраничка Катарина со која, како што откри, на рана возраст бил во врска, а по раскинувањето го обновиле контактот и ја обновиле романсата која ја крунисаа со брак.
Со денови се шпекулира и за наводна бременост на Катарина, но двојката ниту потврдила, ниту пак негирала. За тоа време Дарко ужива на риболов со своите пријатели, а се пофали и со својот улов.
Денеска многумина го слават 1-ви мај со скара, но пејачот почна ден порано. Лазиќ на својот Инстаграм профил сподели фотографии од риболовот, а не криеше колку всушност ужива во убавото време покрај реката. Пејчот после тоа се пофал и со огромната риба што успеал да ја улови.
На останатите фотографии покажа како се подготвува храната и скарата во Бачки Јарк, а на сликите ја означи и Катарина, иако од неа немаше ни трага ни глас.
Се чини дека во семејството Лазиќ се е во најдобар ред и дека пејачот сака да се дружи со пријателите во слободното време.
