Српската пејачка Ана Николиќ во последно време не престанува да ја шокира јавноста.
По нејзините бројни објави со необични стајлинзи, но и шпекулациите дека таа и нејзиниот партнер Горан Ратковиќ Рале наскоро ќе се венчаат, пејачката продолжува да интригира.
Таа на својот инстаграм-профил објавила фотографија од својот несекојдневен стајлинг, со многу впечатлива порака.
Николиќ позирала во костум со зебра принт и со чанта во рацете, а целиот изглед го заокружила со бели очила за сонце.
Под објавата стоел интересен опис на фотографијата, односно прашањето: „Која Меланија?“.
Бидејќи Меланија Трамп привлече големо внимание на неодамнешната инаугурација на американскиот претседател Доналд Трамп, чиј шешир го украде шоуто, Ана Николиќ одлучила да покаже дека има и такви кои ја „надраснале“ и дека сега нејзиниот стајлинг сигурно ќе го украде целото внимание.
Да потсетиме, по многу турбуленции, расправии и помирувања со партнерот, вљубената двојка наводно неодамна донела одлука да ја крунисаат љубовта со брак откако ги решиле сите несогласувања.
