Финска ќе поднесе барање за членство во НАТО. Ова официјално го соопшти финскиот претседател Саули Ниинисто.
Како што јави телевизијата Yle News, Хелсиншкиот Парламент утре ќе се состане за да разговара и да ја одобри апликацијата за членство во НАТО, а можниот процес ќе започне во вторник.
„Ова е историски ден“, рече Ниинисто, објавувајќи ја веста на заедничката прес-конференција со премиерката Сана Марин. Финска, нагласи тој, цитиран од телевизијата Yle News, „влегува во нова ера“.
„Се надеваме дека Парламентот ќе ја потврди одлуката за аплицирање за членство во НАТО во наредните денови“, додаде тој.
„Во Финска – изјави тој – ќе имаме уште парламентарен процес пред нас, но се надеваме дека Парламентот ќе расправа за оваа историска одлука со решителност и одговорност.“, пренесува Аднкронос.
