Роџер Федерер е најодликуваниот тенисер на сите времиња. Откако наполни 41 година, тој одлучи дека е време да стави крај на професионалниот тенис.
Денеска ќе го одигра последниот натпревар.
Малку се знае за животот на славниот ас, но она што е познато е дека Федерер уште во 2002 година минувал низ тежок период во животот.
Секој професионален спортист се врзува за тренерот и тој едноставно станува дел од неговиот живот. Федерер својот тренер го сметал за свој татко.
Австралискиот тениски тренер Питер Картер бил првата врска на Федерер со тенисот. Го запознал кога имал девет години и го водел низ светот на овој спорт во тинејџерските години.
Непосредно пред Федерер да наполни 21 година, се случила трагедија која целосно му го сменила погледот на светот. Неговиот тренер Картер загина во 2002 година.
Во разговор со Федерер, тој дошол на идеја да отпатува со својата сопруга, која претходно го победила ракот, во Јужна Африка на сафари. За време на возењето, возачот морал да скршне за да избегне судар со комбе, па тие излетале од патот. Питер и возачот загинале на лице место. Федерер во моментот кога се случила трагедијата играл турнир во Канада, а веста за смртта на тренерот го погодила како бомба. Тој бил толку очаен што плачејќи трчал низ улиците на Торонто, а по трагедијата долго време бил целосно неутешен.
Со години го мачело чувството на вина, бидејќи токму тој таа дестинација му ја предложил на Картер.
View this post on Instagram
