По еден месец дискусии и одложувања, пакетот доби зелено светло и ќе биде финализиран по писмена постапка со рок до утре наутро до 9 часот.
Амбасадорите на ЕУ во Брисел го одобрија шестиот пакет санкции против Русија на состанокот свикан од француското претседателство, а кој по исклучок се одржа во Луксембург.
Патријархот на Руската православна црква Кирил е надвор од „црната“ листа на санкции, како што вчера побара унгарската влада која (вчера) го блокираше формалното одобрување на пакетот токму за да се постигне овој резултат.
Шестиот пакет антируски санкции, кој беше усвоен на состанокот на амбасадорите на 27-те земји членки, опфаќа постепено ембарго на нафтата што пристигнува по морски пат во Европа, со отстапки за суровата нафта што се транспортира со гасоводи.
