Излезе последниот трејлер на Top Gun: Maverick, а во исто време го имаме и датумот на прикажување, во киносалите: 25 мај 2022 година! Во продолжението на легендарниот акционен филм од средината на 80-тите години повторно ќе глуми Том Круз и, судејќи според трејлерите, се чини дека уште еднаш ветува акција која ќе ни го возбуди срцето побрзо да чука. Ќе се врати и Вал Килмер, повторно во улогата на „Ајсмен“ Казански!
Филмот го дистрибуира Paramount и според првичните планови требаше да излезе до сега (поточно до 2020 година). За жал, ковид пандемијата предизвика неколку одложувања на премиерата.
Во актерската екипа, покрај Круз и Килмер, ќе ги видиме : Мајлс Телер (Whiplash), Џенифер Конели (Реквием за еден сон, Прекрасен ум), Џон Хам (Mad Men) и Ед Харис (Аполо 13, Шоуто на Труман).
