Берни Еклстоун е уапсен, објави новинската агенција Ројтерс. 91-годишниот поранешен сопственик на Формула 1 бил запрен во Бразил на аеродромот откако му било пронајдено во негова сопственост нелегално оружје: пиштол калибар ,32.
Еклстоун е уапсен во средата – објави Ројтерс, цитирајќи локални полициски извори – за нелегално носење оружје додека се наоѓал во приватен авион што наводно требал да лета за Швајцарија. Пиштолот со калибар 32, означен со LWSeecamp, бил откриен од обезбедувањето на аеродромот кога неговата торба поминала под скенерот за рендген за да се провери пред да се качи во авионот.
Еклстоун, рекол дека го препознава оружјето, но дека не знаел дека тоа е во неговиот багаж. Милијардерот веќе ја плати кауцијата и беше ослободен од затвор. Сега, може да лета за Швајцарија.
Според весникот „Глобо“, пиштолот бил во џебот од неговата кошула здиплена во куферот и немал муниција.
Поранешниот сопственик на Формула 1 го купил пиштолот пред пет години од механичар во Ф1.
BREAKING: Reuters are reporting that Bernie Ecclestone was arrested in Brazil late on Wednesday for illegally carrying a gun while boarding a private plane to Switzerland.pic.twitter.com/h57HMkrunu
— Sky Sports F1 (@SkySportsF1) May 26, 2022
