Додека историчарите и научниците со право предупредуваат дека стиховите на Нострадамус се намерно напишани на загатлив и двозначен јазик, што овозможува безброј интерпретации, не е изненадувачки што луѓето во времиња на кризи и неизвесност инстинктивно бараат смисла во древните текстови.
Седум месеци голем воен конфликт
Еден од најчесто цитирани катрени, кој сега се поврзува со актуелниот конфликт, злокобно најавува долг и крвав воен период, пишува Дејли мејл.
„Седум месеци голем воен конфликт, луѓето мртви од злото / Руен, Евро кралот нема да падне“, стои во стих кој ги збунувал историчарите. Модерните толкувачи сега веруваат дека „седум месеци“ се однесуваат на предвидената должина на американско-иранскиот конфликт, сугерирајќи дека може да трае до крајот на 2026 година.
Иако критичарите истакнуваат дека спомнувањето на француските градови Руен и Евро нема врска со Блискиот Исток, следбениците на пророштвата на Нострадамус се убедени дека станува збор за симболичен опис на конфликт во кој лидерите, и покрај големите загуби, ќе останат решени во своите намери.
Рој пчели како симбол на модерното војување
Можеби најморнчавата паралела со денешната технологија на војување се наоѓа во катренот кој го опишува „големиот рој пчели“ што ќе се појави ненадејно и ќе напаѓа „во ноќна заседа“.
Овој стих со години беше предмет на шпекулации, но во контекст на тековните настани доби ново, застрашувачко значење. Многумина веруваат дека „ројот пчели“ совршено ја опишува тактиката на напади со роеви беспилотни летала, кои се клучно оружје во арсеналот на Иран и САД.
Тие таканаречени „еднонасочни“ или самоубиствени беспилотни летала, кружат над целта пред да се урнат врз неа, а звукот и групниот напад потсетуваат токму на зуењето на пчелите.
Паралелата е уште посилна затоа што, како и пчелите што умираат по боцкањето, и овие летала се уништуваат при ударот.
Гром што го сруши големиот човек
Дополнителна интригира стихот кој предвидува дека „големиот човек“ ќе биде срушен од „гром“ во текот на денот. Толкувачите ова го поврзаа со ненадејната смрт на ајатолах Али Хамнеи, кој беше убиен во првата фаза на воздушните напади.
За многумина, оваа поклопување е доказ дека Нострадамус со неверојатна прецизност ги предвидел клучните моменти на конфликтот што денес ја тресе светската сцена.
Поголема слика: конфликтот Исток–Запад
Освен специфичните детали за војната, следбениците на Нострадамус предупредуваат и на стихови кои наводно предвидуваат поширок, глобален конфликт.
Пророштвото што го споменува Марс, римскиот бог на војната, кој „владее со својата патека меѓу ѕвездите“, се толкува како знак за интензивирање на војните ширум планетата.
Особено загрижува делот кој вели: „Три огнови се креваат од источните страни, додека Западот го губи своето светло во тишина“. Некои веруваат дека ова симболизира промена на глобалната рамнотежа на моќта, зајакнување на источните сили и стратешко слабеење на Западот.
