Најпознатата грчка пејачка Елени Фуреира, која исто така важи и за модна икона, се појави на забавата која ја организираше Елтон Џон по доделувањето на Оскарите во Лос Анџелес.
Таа со својот изглед засени многу ѕвезди кои присуствувале на забавата, а на себе носела фантастичен комплет на најстарата грчка модна куќа „Celia Kritharioti“.
Триесетидвегодишната пејачка својата кариера ја започнала уште во 2007 година во една популарна група, а по само две години продолжила сама да ги ниже хитовите.
Сепак, по настапот на Евровизија пред две години кога го претставуваше Кипар и освојувајќи го високото второ место, Фуреира е голема ѕвезда и во Шпанија.
Инаку вистинското име на пејачката е Ентела Фурераџ, а родена е во Фјеру, Албанија.
Ова откритие предизвика големо внимание во грчките медиуми, со оглед на тоа дека добар дел од својата кариера таа го криела своето потекло. Прво говорела дека има корени од Бразил, па потоа од Мексико, но кога вистината излегла на виделина, грчките новинари ја растргнаа.
Тогаш пејачката изјавила дека го криела своето потекло за да полесно да ја прифатат во музичката индустрија. Од друга страна, себе си се смета за Гркинка, бидејќи Грција и дала образование и кариера.
Неколку години откако било откриено дека е Албанка, Елени денеска се гордее со своето потекло, па со тоа предизвика негодувања во грчката јавност кога на Евровизија позираше со претставникот на Албанија, правејќи „орел“ со рацете.
