Неколку дена по збогувањето на Брус Вилис со филмот, уште една холивудска ѕвезда на блокбастери, исто така, одлучи да го напушти шоубизнисот, односно киното, но причините се многу различни!
Ако ѕвездата на Die Hard и Pulp Fiction беше принудена да се пензионира поради дијагностицирана афазија, на актерот на култните филмои The Mask и The Truman Show едноставно му е доста!
„Па, да, јас се повлекувам. Да, најверојатно. Јас сум прилично сериозен за таа одлука“, изјави Џим Кери за Variety во новото интервју.
„Единственото нешто што би можело да ме натера да не се повлечам, е ако ангелите ми донесат сценарио напишано со златно мастило, сценарио кое кога ќе го прочитам разбирам дека крие приказна толку важна што мора нужно да ѝ се каже на јавноста. Инаку…“
Потоа ктерот додаде: „Навистина уживам во мојот нов тивок живот и навистина уживам во сликањето на платно и го сакам духовниот пат што го следам. Чувствувам – и ова е нешто што ниту една славна личност по мене никогаш нема да го каже- чувствувам дека ми е доста. Направив доста и доста ми е“.
Иако зборот пензионирање може да биде страшен, обожавателите на Џим Кери треба да се навикнати на долгата пауза на актерот: објавувањето на „Sonic the Hedgehog “ во 2020 година ја означи првата голема улога на Кери во студиски филм по продолжението на „Глупавиот и поглупавиот“ од 2014 година. А во меѓувреме ѕвездата се појави само во независните филмови The Bad Batch и Dark Crimes, во ТВ серијата Showtime Kidding и како водител на „Saturday Night Live“, каде во 2020 година ја играше улогата на Џо Бајден во шест епизоди.
Во овој момент, Sonic 2 може да биде последната улога на Џим Кери, па ако сте негов обожавател, погрижете се да си обезбедите билет. Филмот ќе има европски премиери околу 7-ми април, а веројатно во текот на април и кај нас ќе го гледаме.
