Ненадејно е откажан уште еден настап на Драгомир Деспиќ Десингерица, овој пат во еден од клубовите во Врњачка Бања, а тој се огласи по тој повод.
Во соопштението објавено на Инстаграм, организаторите објаснија дека одлучиле да го откажат настапот на Десингерица поради загриженост за безбедноста на присутните, особено на младите.
„Откажано. Не дозволуваме никој да ни ги тепа децата со патики по глава. Децата не се виновни, ние сме тука да се грижиме за нив и да им покажеме што е добро за нив, а што не“, се вели во објавата.
Desingerici otkazan nastup u Srbiji – NE DAMO DA NEKO BIJE NAŠU DECU pic.twitter.com/nkAocjKXKw
— Malagaravaa (@vaskekopirinac) August 5, 2024
После тоа се огласи и самиот Десингерица, кој за српски „Блиц“ го кажал следното:
„Искрено, не знам од каде го знаете тоа, имавме рок за уплата на депозитот, депозитот не беше уплатен и настапот беше откажан, тоа е сѐ. Не знам зошто не го уплатија депозитот и нема да навлегувам во тоа, но таа објава што излезе е глупост, веќе се договоривме за друг датум и тоа е тоа“.
Да потсетиме, минатата недела во Црна Гора почна полемика околу неговите настапи, а некои бараа да му се забрани на Десингерица да настапува во Будва.
