Српскиот пејач Дарко Лазиќ, кој ја носи титулата на еден од најуспешните од шоуто „Звезда Гранда“, го коментираше огромниот успех на неговата колешка Александра Пријовиќ, која бележи рекордни успеси со солистички концерти низ арените ширум Балканот.
Лазиќ смета дека Пријовиќ сѐ заслужила сама, а не поради тоа што е сопруга на Филип Живојиновиќ или снаа на Лепа Брена.
– Александра е врвна пејачка, можеби најталентирана на сцената, а потоа и мојата кума Андреана Чекиќ, можам да класифицирам неколку други во тој круг што се однесува до пејачките способности. Штом некој направи нешто и успее во животот, веднаш бараме причина, дека тоа е поради ова или она. Таа знае да пее, да се разбереме Пријовиќ е пејачка, тоа што е снаа на Брена не е важно, луѓето ја сакаат поради неа, не поради тоа чија снаа и жена е – изјави Лазиќ и додаде:
– Ме нервираат луѓето кои сакаат да го оспорат туѓиот успех. Никој не може да каже дека Александра не е ѕвезда. Слушам некои коментари, но искрено да ви кажам, само завидливите и љубоморните луѓе можат да кажат нешто лошо за кариерата на Прија.
