Од почетокот на кариерата до денес, Здравко Чолиќ е еден од најдобрите поп пејачи во регионот. Неговите хитови ги пеат бројни генерации, а многу песни се посветени на поединечни жени.
Во неговата 50-годишна кариера многу песни беа именувани по конкретни женски имиња, а некои од нив се „Звао сам је Емили“, „Рушка“, „Ајде, ајде Јасмина“ и „Есма“.
Меѓу многуте песни посветени на припадничките на понежниот пол, се најде и песната посветена на Кристина наречена „Једна зима са Кристином“ од албумот „Ако приџеш ближе“ од 1977 година.
Аранжманот, текстот и музиката за оваа песна ги напиша Корнелије Ковач, а оваа песна ѝ ја посвети на својата втора ќерка Кристина Ковач.
Кога била напишана песната, Кристина имала само неколку години, а денес таа е посветена на музиката. Освен што е пејачка, таа пишува и песни.
Во деведесетите беше во групата „К2“ со сестра ѝ Александра Ковач, а потоа продолжи со соло кариера. Нејзината песна „Magic“, испеана од Даница Радојчиќ, уметничко име Нина, ја претставуваше Србија на Изборот за песна на Евровизија во 2011 година. Инаку, Кристина денес живее и работи во Шведска.
