08:33 - 20 ноември, 2026

Д-р Чолакова: Да ни дозволат наместо сестра, во амбулантите да вработуваме администратор

Фирмите на матичните лекари трпат огромни загуби кога сопственикот, матичен доктор е болен и оди на долготрајно боледување, алармира претседателката на здружението на матични лекари Лилија Чолакова Дервишова.

– Во моментов имаме двајца колеги кои имаат карцином и треба да се лекуваат долготрајно. Во тој случај не добивате веќе цела капитација туку 85 посто оди кај заменскиот доктор. Тој треба да ја плаќа сестрата и се друго, а во меѓувреме продолжуваат сите трошоци кои ги има една фирма. Дали во јавно здравство кога некој од болница оди на боледување и го кратат буџетот на болницата-НЕ, значи не сме исто третирани. Имаме ситуации кога наши колеги одлучуваат да не одат на хемотерапија и со тоа го доведуваат животот во ризик, бидејќи фирмата ќе отиде во стечај, вели д-р. Чолакова.

Според критериумите на ФЗОМ, за карцином следуваат десет месеци боледување но ретко кој приватен матичен лекар отсуствувва толку долго поради неможноста финансиски да издржи.

Таа нагласува дека неопходно е да се направи нов анекс на договор со Фондот во кој ќе ги подредат сите работи што на матичните лекари им онезвозможуваат нормално функционирање.

– Тоа го бараат сите матични доктори. Мора да се направи нова методологија за бодот и да се поместува секоја година…Мора влез на пациент во ординација дури и за рецепт да се партиципира, на пример во Италија се плаќа две евра по испечатен рецепт. Исто така мора да се дозволи да имаме во тимот место медицинска сестра, администратор бидејќи медицинските сестри многу малку или речиси воопшто не вршат медицински услуги. Тоа значи дека неопходни се големи измени за што веќе сме во преговори со Фондот, но не можам да бидам сигурна дека ќе дадат резултат, додава д-р Лилија Чолакова Дервишова.

Преземено од СЛОБОДЕН ПЕЧАТ

Слични објави

Дневен хороскоп за 20 ноември: Искористете го денот за донеување на важни одлуки, но бидете внимателни

apostolova

(Фото+видео) Мексиканска храна и посебно изненадување: Анастасија покажа како Гудељ го прослави 35. роденден во Мадрид

Еспресо

Здравко Чолиќ дал половина милион евра за стан покрај Пула, но три години не може да се всели

Еспресо

(Видео) Јаков Јозиновиќ и Џејла објавија мистериозни видеа во исто време: „Мислев дека е вештачка интелигенција“

Еспресо

(Фото) Атина Тошиќ отпатува во Австрија: Шопинг во луксузни бутици и стајлинг со потпис на „Шанел“

Еспресо

„Ме нервира мрзеливоста на колегите“: Јанг Дади без влакна на јазикот

Еспресо
Се вчитува....