Тантелата останува во мода и за сезоната пролет/лето 2022, а доколку сакате модерни ( и многу елегантни!) велигденски јајца, тогаш изборот е „чипкасти јајца“.
Како да ги направите?
Не ви треба посебно мајсторство за да ги направите овие елегантни, нежни велигденски јајца. Потребни ви се варени јајца, ножички, гумички, боја за фарбање на јајцата и парче чипка.
Се разбира, кога спомнуваме материјал-тантела, тоа е парче од кошула, фустан, марама или прекривка која повеќе не ја користите.
Со ножички исечете ја чипката на парченца кои се доволно долги за да се завиткаат во нив јајцата. На местото каде што сте ја ставиле чипката врз јајцето, ставете и гумичка, која уредно ќе ги држи заедно.
Ставете го јајцето во боја за фарбање и оставете го да отстои во бојата неколку минути.
Кога ќе ги извадите јајцата од бојата, пресечете ги гумичките и отстранете ја чипката.
Видеото ве води чекор по чекор до елегантни чипкасти јајца.
