Бритни Спирс објави саркастична порака на социјалните мрежи кон нејзиното семејство, кратко откако нејзината сестра Џејми Лин сподели семејни фотографии од божиќна забава на која пејачката не присуствуваше.
Според „Ти-ем-зи“, Бритни ги поминала празниците со својот помлад син, 19-годишниот Џејден Џејмс. Нејзиниот постар син, 20-годишниот Шон Престон, славел со остатокот од семејството: сестрата на Бритни, Џејми Лин, нејзиниот сопруг Џејми Вотсон и мајката Лин Спирс. Шон Престон наводно морал да остане во Луизијана поради работа и се појавил на семејна фотографија.
Бритни се огласи на својот инстаграм-профил со објава во која пишуваше: „Среќен задоцнет Божиќ на моето прекрасно семејство кое никогаш не ме омаловажило, не ме повредило, не направило ништо сосема неприфатливо или ми предизвикало неверојатна траума – онаква каква што не може да се поправи… на моето драго, мило, невино семејство… Многу ми е жал што бев зафатена овој Божиќ, но дефинитивно ќе се вратам наскоро да ве изненадам… Едвај чекам… поздрав, прекрасна Ајви… само сакам да ве прегрнам, љубов моја… Среќно, пријатели.“
