Пејачката Бритни Спирс ја ангажираше ѕвездата адвокатка Лаура Васер за разводот од Сем Асгари.
Американската пејачка Бритни Спирс ја додаде ѕвездата- адвокатка за развод Лаура Васер во својот адвокатски тим, известува Пејџ сикс.
Инсајдер близок до парот потврди за Пејџ сикс дека поп ѕвездата ангажирала адвокати поради раводот со фитнес инструкторот и актер Сем Асгари. Според него, процесот може да прерасне во „непријатна битка во судницата“.
„Сем се обидува да преговара за отстапки надвор од брачниот договор и се заканува дека ќе објави крајно засрамувачки информации за Бритни доколку не му биде платено“, изјави извор за Page Six.
Во средата, на 16 август, се дозна дека американската пејачка Бритни Спирс и нејзиниот сопруг Сем Асгари се разведуваат. Пред околу една недела фитнес инструкторот се скарал со сопругата поради гласините дека таа го изневерувала, а кавгата преминала во вистинска тепачка, по која Сем морал да се отсели од заедничкиот дом и сега живее сам. Парот имаше „сериозни проблеми“ неколку месеци.
