Лекарите ја советувале да не го напушта замокот Балморал, во Шкотска, каде што летува околу еден месец. Дека здравствената состојба на кралицата не е добра, гласините протекоа од популарниот весник Сан и оттука се појавиле стравувања кај Британците. Принцот Чарлс пак, иден престолонаследник, загрижен за здравствената состојба на мајка си, деновиве редовно ја посетува во Шкотска. Посетите на Чарл се дефинирани како „невообичаени“, а стануваа се почести. „Чарлс е многу грижлива личност – вели Ингрид Севард, од списанието „Мажести“ – и на кој друг може да се потпре кралицата сега кога го нема принцот Филип?“.
Кралицата ќе треба да го назначи новиот премиер нат 6 септември и да ја предаде функцијата на победникот на прелиминарните избори на ториевците: предизвикот е помеѓу Риши Сунак и Лиз Трас. Церемонијата обично се одржува во Бакингемската палата или во замокот Виндзор. Но, од крајот на минатата година, 96-годишната кралица страда од проблеми со подвижноста што ја спречи да заврши многу од нејзините официјални обврски. Елизабета веќе се откажа од некои официјални церемонии, како што е отворањето на Парламентот, настан на кој учествуваше нејзиниот син Чарлс.
Нејзино последно излегување во јавност беше на крајот на јуни, кога британците се израдуваа дека е насмеана и не го носи стапот на кој с епотпираше. Сепак, по прославата на платинестиот јубилеј, кралицата немаше веќе јавни настапи.
