Музичарот Бора Ѓорѓевиќ, попознат како Бора Чорба, веќе неколку дена е во тешка состојба во Клиничкиот болнички центар во Љубљана.
– За жал, состојбата е сѐ уште критична, Бора се наоѓа на одделението за интензивна нега – изјави за српски „Курир“ новинар од местото на настанот.
– Нема многу нови информации, но сите се надеваат на подобар исход.
– Сопругата не се јавува и е надвор од очите на јавноста, што е сосема разбирливо во оваа ситуација – рекол понатаму новинарот од местото на настанот.
Да потсетиме, легендарниот рокер Бора Ѓорѓевиќ е приклучен на респиратор во Клиничкиот центар во Словенија. Многумина му испраќаат поддршка на легендарниот рокер за брзо закрепнување, а медиумите во Словенија известуваат за неговата состојба.
– Трет ден исто. Интубиран. Во болница. Нема промени – рекол Бане, кој вчера го посетил Бора со неговата сопруга Дубравка.
Инаку, за српските медиуми се огласи и блискиот пријател на Бора, Гале од групата „Кербер“, кој откри дека се слушнал со Бане Обрадовиќ, менаџерот на групата „Рибља чорба“.
Бора Ѓорѓевиќ во последните години живее повлечено во Словенија, каде што ја стекна почитта кај локалното население.
– Овде луѓето го сакаат и почитуваат, живее мирно и тивко – рекле соседите на рокерот.
