Пејачката Лепа Брена ќе одржи концерти во Загреб, а за хрватските медиуми проговори за своите настапи, богатата кариера, семејството, како и за сопругот Боба Живојиновиќ со кој годинава прославува 33 години брак.
Бидејќи публиката на Брена е разновидна, меѓу присутните на нејзините концерти има и такви кои биле деца или не биле ни родени кога ги снимала хитовите „Ситније, Циле, Ситније“, „Мики, Миќо“ и „Уске панталоне“, но тие паѓаат во транс кога ги слушаат овие траки.
– Среќна сум што музиката се менува, но среќна сум и што има и такви кои сакаат пејачи кои пеат и кои го даваат својот максимум на публиката. Времетраењето на кариерата е единствениот вистински, авторитетен судија за нечиј квалитет. Некој може да биде млад, убав и згоден, а ние старееме, па најсреќни сме што на нашата публика не ѝ пречат нашите брчки, можеби не ѝ пречи некој вишок килограми. На нашата публика ѝ треба љубов, радост и тоа чувство на припадност, дека си припаѓаме еден на друг, дека некако сите сме исти на овие концерти, сите сме еднакви. Имаме задача во тие три часа едноставно да бидеме среќни. Имаше сè на вашите концерти. Добро е познато дека со хеликоптер сте слетале на стадион во Бугарија, но често се споменува и моментот кога на концерт сте се удриле со нога во глава – изјавила Брена.
Брена истакна дека со неа секогаш се било транспарентно, но открила што сега не ѝ дозволува помладиот син Виктор, откако се вклучил во нејзината кариера.
-Па, морам да признаам дека цел живот го водев некако транспарентно и дека, што се однесува до мојот приватен живот, навистина нема тајни, и тоа што било убаво, и некои гафови, па дури и грди работи. Сето тоа го споделив со луѓето. Мислам дека не треба да биде мистериозно во таа смисла, бидејќи нема ништо мистериозно во овој живот што треба да го кријам. Можеби малку повеќе чувам дел од мојата интимност. Морам да ви кажам една тајна. Имам толку многу смешни фотографии кои покажуваат како изгледам наутро, како, на пример, понекогаш сама си ја средувам косата. Но, мојот помал син Виктор, кој сега се занимава со мојата продукција, ми забрани да ги објавувам на социјалните мрежи. Ова се фотографии од мојот живот, кои покажуваат дека и јас сум нормален човек кој настаните ги смета за смешни, дури и ужасни. Ми вети дека ќе се договориме со целиот тим ако некогаш ги објавиме тие фотографии – објаснила пејачката.
Пејачката признава дека не било лесно да се балансира семејниот живот и кариерата што ја има.
– Кога ќе ме прашате што ми е поважно – кариерата или семејството, секогаш ќе кажам дека тоа е семејството. Затоа што ако не го посветиш тоа квалитетно време на семејството и децата, еден ден кога ќе пораснат, ќе видиш дека имаат недостаток на родителска љубов, недостаток на домашна едукација, што подоцна станува проблем. Моите синови Филип и Виктор се во светот на шоу бизнисот. Филип е многу успешен со Александра Пријовиќ. Виктор почна да работи со мене. Стефан работи нешто друго, но сите тие се одлични момци и моја голема поддршка. За Боба немам што да кажам, освен што тој, како најголемата и најмоќната карпа, секогаш стои зад мене и цврсто ме држи за грб за никогаш да не паднам – рекла Брена.
Таа исто така објасни дека постојано работата и се на пат со Боба, но во јануари одвојуваат време само за нив двајца и слават сè што пропуштиле во текот на целата година, а откри дека на 7 декември годишнина од брак ќе ја прослават со публиката.
