Оваа машина неверојатно потсетува на гласот и изгледот на познатиот актер…
Славниот актер и поранешен гувернер на Калифорнија, Арнолд Шварценегер ја тужи компанија од Русија која изработува роботи, бидејќи тие направиле реплика од оваа холивудска ѕвезда.
Како што пренесуваат медиумите, Шварценегер бара компанијата да му плати 10 милиони долари.
Компанијата „Promobot“ го претстави прототипот „Arni Android“ во јануари на Саемот за електроника во Лас Вегас, а машината неверојатно потсетува на гласот и изгледот на познатиот актер.
На социјалните мрежи кружат снимки на кои „Arni“ зборува со посетителите и им одговара на нивните прашања, а неговиот глас неверојатно потсетува на роботот од филмот Терминатор.
Руската компанија соопшти дека никогаш немала намера да го употреби името или ликот на Шварценегер во врска со роботот и истакна дека прототипот во моментот е во САД и дека ќе биде „рециклиран“.
„Promobot“ наведува дека прави се што е потребно за да ја „разреши ситуацијата и да спречи било какви несогласувања“ кои би можеле да доведат до суд.
