Црногорскиот актер и комичар Андрија Милошевиќ се преселил во Белград пред повеќе од дваесет години и до ден денес се сеќава на своите скромни и тешки почетоци, пишува српски Курир.
View this post on Instagram
Милошевиќ, роден во Никшиќ, со глума почнал да се занимава на 17 години, а од родниот крај заминал во Цетиње. Таму живеел во студентски дом, а во една од неговите соби, како што вели, ги поминал најубавите денови од животот.
Подоцна се преселил во Белград, каде за да заработи некој денар продавал весници.
Не се срамев да го правам тоа. Знаев дека парите што ги заработив се многу почесни отколку ако ги добиев на друг начин. Се трудам да им помогнам на младите актери. Немам таква суета, сакам млади и талентирани луѓе. Тоа лично го доживеав од некои прекрасни луѓе во мојот живот кои ми помогнаа – Милан Караџиќ, Јагош Марковиќ, Боро Стјепановиќ, Светозар Цветковиќ, кои ме поканија да дојдам во Ателје. Потоа од среќа добив сипаници, бидејќи ме поканија да глумам во претстава – изјави Андрија за српските медиуми.
Се присети и како луѓето од театарот во кој глумеше му изнајмиле стан – за да може да живее во нормални услови.
– Прекрасни луѓе ми изнајмија стан и ми купија лажици, чинии, се што требаше за едно домаќинство, бидејќи не можев да си го дозволам тоа. Бескрајно сум им благодарен до ден денес, рече тој.
Андрија исто така призна дека порано бил гладен неколку пати во животот и дека ова искуство го обликувало во личноста каква што е денес.
– Бев екстремно гладен и тоа многу ми помогна во животот. Благодарение на овие ситуации, денес знам многу подобро да ценам одредени работи во животот. Храната го успорува мозокот, се пошегува тој.
View this post on Instagram
Покрај финансиите, Милошевиќ го мачеле и некои далеку посериозни проблеми.
– Еден од најтешките моменти беше дијализата на мајка ми и трансплантацијата на бубрег. Тоа беше еден од најтажните, најтешките моменти во мојот живот. Сепак, таа го надмина. Сега се е во најдобар ред. Татко ми почина и тоа беше исто така многу тежок период за мене, но повторно морав да продолжам понатаму, изјави талентираниот 44-годишник.
