Водителката на „Ѕвездите на Гранд“, Ана Севиќ, наводно одлучила да поднесе тужба против пејачот Аца Лукас.
Имено, тој неодамна во една емисија откри дека бил интимен со Ана пред бракот со Дарко Лазиќ, што очигледно ја налутило.
Според пишувањата на медиумите, Ана ангажирала обезбедување за да ги избегне прашањата на новинарите, но одлучила и правдата да ја бара на суд, бидејќи смета дека потегот на Аца го загрозил нејзиниот углед.
– Ваквите приказни воопшто не одат во нејзина корист. Ана веќе се консултирала со адвокат за поднесување тужба, бидејќи сака да се заштити себеси и своето семејство. Не е првпат да се доведе во ваква ситуација, а исто така не е првпат правдата да ја бара на суд. Досега секогаш добивала спорови секогаш кога некој ја клеветел. Ана не сака јавно да се изјаснува, бидејќи сè ќе каже таму каде што треба“, вели изворот за Курир.
