Откако „Варајети“ ги објави белешките на терапевтката Доун Хојз, која работела со актерката Амбер Херд, а кои беа користени во судењето на Џони Деп, во јавноста се појавија нови информации.
Имено, тие содржат детали и од сетот на „Aquaman 2“, каде Амбер изјавила дека актерот Џејсон Момоа се обидел да ја отпушти, како и дека доаѓал пијан на снимање.
Таа исто така тврдела дека Џејсон често се облекувал како Џони Деп за да ѝ го одвлекува вниманието.
Сепак, медиумскиот претставник на Џејсон се огласи и истакна дека ништо од горенаведеното не е точно, и дека актерот знае да испие чаша пиво понекогаш, но секако тоа не го правел на сетот.
Тој исто така изјавил дека Амбер за малку ќе добиела отказ бидејќи немала хемија со Џејсон, но Илон Маск ја спасил.
