Славниот актер Алек Болдвин во минатото беше разочаран од жените и тврдеше дека припаѓа на клубот на мажи кои тешко го профаќаат стареењето и сфаќаат дека на прагот на 50-те години немаат со што да се пофалат мислејќи на семејниот живот, а денес е среќен со своето многубројно семејство. Актерот од бракот со прекрасната фитнес инструкторка Хиларија има четири деца: ќерката Кармен и синовите Рафаел, Леонард и Ромео, кои ги однесе на излет во омилената детска дестинација, Дизниленд. Одењето на ова место е доказ дека трагедиите кои ги преживеаа во последно време не им можат ништо и дека семејството е најголемо богатство.
На семејниот излет тргна и неговата постара ќерка која ја доби од бракот со славната убавица Ким Бесинџер, 24-годишната Аерленд. Сите пет деца одлично се забавуваа во Дизниленд, а за да нема некои непредвидени ситуации, грижливите родители ангажираа две дадилки и ВИП водичи.
Иако Алек доби многу помош, тој уживаше цел ден да биде покрај своите деца. Веселата дружина имаше и два ВИП водичи кои ги упатија во тајните на Дизниленд каде помеѓу останатото ја запознаа и Пепелашка која ја воодушеви Кармен.
