Нигериската актерка Функе Акинделе – Бело (42) е уапсена за тоа што на својот сопруг му организирала роденденска забава и покрај карантинот и забраните за собирање во групи.
Ѕвездата од бројните филмови и нејзиниот сопруг предизвикале бес во јавноста, откако на Инстаграм објавиле фотографии и снимки од забавата.
Интересно е тоа што актерката со денови на своите фанови им испраќала пораки да ги почитуваат правилата и да не излегуваат од дома.
– Не можам да верувам како некои луѓе можат да бидат толку лицемерни. Богатите ги учат граѓаните на некаков ред, а самите не се придржуваат до тоа – се само дел од коментарите на социјалните мрежи.
– Жал ми е ако погрешно ве учев со видеоснимката, ја разбирам вашата грижа и ветувам дека во иднина ќе го практикувам тоа самата го проповедав – рекла актерката.
Таа додала дека на забавата биле исклучително блиски луѓе и луѓе од продукциската куќа. Парот во понеделникот се појави на суд каде се изјасниле за виновни. Тие се казнети до 14 дена социјално корисна работа.
