Фолк пејачот Ацо Пејовиќ синоќа во Белград на Плоштадот на Републиката ја дочека православната Нова година и во оваа прилика на посетителите им приреди невиден спектакл кој долго ќе го паметат.
Пејачот пред настапот им се обрати на насобраните медиуми и призна дека му е ладно, а го спомна и приватниот живот.
„Не ми се допаѓа што е толку студено… Годинава Господ ќе ни даде сѐ да биде како што треба! Ние сме добар народ “, рече Ацо Пејовиќ.
Ацо откри и како реагирал кога дознал дека неговата кума и музичка ѕвезда Александра Пријовиќ е бремена.
„Мојата кума е бремена, дознавме, ми се јави пред некоја вечер… пуштив солза, морам да признаам! Многу го сакам тоа семејство, а жена ми му кажа на Филип дека сака да има уште едно дете за Божиќ, за Александра да остане бремена. И Филип ѝ се јави и ѝ рече: ‘Кумо, желбата ти се исполни’, Многу ми е драго. Се слушнав и со кумашинчето Александар. Тој сака братче, а јас би сакал да добие сестричка“, додаде пејачот.
„Уште нема да славиме, нека помине некое време, јас сум традиционалист, нека помине малку… И јас да станам дедо, дај Боже здравје, зошто да не!“ истакна тој со насмевка на неговото лице.
