– Како што претходно кажавме, краткотраен престанок на врнежите ќе имаме особено утре попладне и во среда претпладне, додека нови врнежи и тоа од ПОИНТЕНЗИВЕН карактер се очекуваат веќе од среда доцна попладне и навечер, како и во четврток. Поради уште поголемото ЗАЛАДУВАЊЕ на времето на планините врнежите ќе бидат од СНЕГ, а снежната граница, особено во северните и во северозападните предели има услови понекаде да се спушти дури и до околу 1000 м.н.в. На планините понекаде ќе се формира снежна покривка дури и над 30 сантиметри, особено на оние повисоки планини, веи нашиот метео прогнозер Славчо Попоски.
– Ќе дува умерен ветер од северен и од северозападен правец, кој особено долж Повардарието повремено и ќе засилува на интензитет. Температурите, особено од четврток ќе бележат тенценција на уште поголем пад и ќе се искачуваат во интервалот само од 5 до 9 степени во најтоплите предели, објаснува Попоски.
Според Попоски, и во Скопје и околината краткотраен престанок на врнежите ќе има утре, особено попладне и во среда претпладне, додека во среда доцна попладне и во текот на ноќта кон четврток ќе започнат нови врнежи од дожд. Температурите ќе се искачуваат во интервалот од 12 до 14 степени, додека од четврток ќе бидат уште пониски и ќе се искачуваат само до околу 8 степени.
Да напоменеме дека овој студен бран ќе донесе снежни врнежи понекаде и на планинските превои, со што на возачите им препорачуваме КРАЈНО ВНИМАТЕЛНО да управуваат со своите возила.
