– Денес времето во Македонија ќе биде умеренo, повремно и значително облачно, а особено во западните предели ќе има услови за појава на локален дожд. Ќе дува слаб ветер претежно од југоисточен правец, додека температурите ќе се искачуваат во интервалот од 10 до 16 степени, вели нашиот метео прогнозер Славчо Попоски.
Во Скопје и околината времето ќе биде умерен до значително облачно со слаб ветер од југоисточен правец. Максималната температура ќе се искачи до околу 14 степени.
Според Попоски, во почетокот од новата седмица времето бќе се задржи променливо облачно со сончеви периоди, локално ќе има и позначителна облачност, а утре ќе има услови и за сосема слаб и локален дожд. Ќе дува слаб до умерен ветер од источен и од југоисточен правец. Наутро ќе биде релативно студено и на некои места минималните температури ќе се спуштаат за некој степен под нулата, додека максималните ќе се искачуваат во интервалот од 10 до 17 степени.
