Денес разговараме со Светлана Котевска која ни раскажува цветна приказна за преубавиот двор на нејзиниот татко Павле Ѓоргиевски.
Ѓоргиевски се занимава со одгледување цвеќе веќе цели 25 години.
– Низ долгогодишниот период освен што се занимава со продажба професионално, во пензионерските денови реши да го разубави дворчето мотивиран од Фејсбук групата …ДВОРЧЕТО… – ни раскажува Светлана.
Ја прашуваме дали и таа ја наследила страста од татка си за цвеќињата и растенијата?
– Мојата страст кон цвеќињата е вродена, таа ме маѓепсала уште од мали нозе. Ги обожавам цвеќињата, краток период и се занимавав со цвеќарство и аранжман, ни одговара.
Во дворчето на Павле Ѓоргиевски доминираат хризантеми, бонбончиња, кавалер дама, сардели калиопа, ружи, кали, далии, пампас и многу други убавици.
Овој господин цвеќињата ги одгледува со голема љубов, па затоа и целодневниот ангажман околу нив за него не претставува никаков напор, туку задоволство.
Дворот се простира на околу 200 квадратни метри, а се наоѓа во с.Логовари, Битола.
Ја замолуваме Светлана да ни даде еден градинарски совет за оние кои сакаат да почнат со одгледување на цвеќиња, од кои цвеќина да почнат?
– Кога ќе го купите првото цвеќе после тоа не може да запрете, особено ако му пружите љубов тоа ќе ви возвраќа со цветање. Наједноставни за одледување се сарделите и хризантемите. Најголемиот предизвик е во тоа да успееш да ги размножиш и да гледаш како растат и цветаат, заклучува Светлана.
Инаку, Светлана Котевска (ќерка на Павле Ѓоргиевски) е членка на Фејсбук групата …ДВОРЧЕТО…, група која ви ја препорачуваме да си станете член и да се изнагледате преубави објави!
Во продолжение, уживајте во фотогалеријата од прекрасното дворче на Павле Ѓоргиевски.
ФОТО – ПРИВАТНА АРХИВА
