На наше задоволство и чест, страничките на еспресо.мк ги разубавува и популарниот шеф Бранко Попоски, познат под псевдонимот „Готвиме со Бранко“ („Cooking with Branko“).
Овој врвен готвач, гастроном и љубител на кулинарството денес ни предлага рецепт за протеински ролат со спанаќ и урда.
– Секогаш е одлично време за здрав оброк!, вели Бранко Попоски.
Потребни состојки
👉2 чаши овесни снегулки
👉100гр.бадеми
👉5 јајца
👉2 лажички кокосово масло
👉мала лажичка хималајска сол
👉половина чаша оризово млеко
👉10 лажици урда
👉600гр. спанаќ
Начин на подготовка
Во блендер додадете ги горенаведените состојки освен урдата.Блендирајте додека не се изедначат состојките и не се добие хомогена смеса. Во правоаголно тавче поставете хартија за печење. Смесата истурете ја врз хартијата. Печете на 180 степени 5-10 минути, додека не се формира кора.
Оставете ја да де излади околу 10тина минути.
Со миксер, матете ја урдата додека не добиете кремаста смеса. Премачкајте ја кората од спанаќ со урдата нанесувајќи ја низ целата површина. Потоа, формирајте ролат.
Пред да ја ставите на печење смесата додадете ленено семе и сончоглед.
Уживајте во вкусот на овој здрав ролат!
