Нутриционистката Елена Мирческа е со нас за да се „стегнеме“ на чекор до есента.
Здравиот начин на исхрана е во мода, а добрите нутриционисти се сè побарани. Особено, ако здравиот диетен режим би можеле да го комбинираме со физичка активност. Нутриционистката и фитнес-инструкторка, Елена Мирческа, нѐ советува како да дојдеме во топ форма во пресрет на есента. А, некои веќе успеаа во тоа!
Таков е примерот со Билјана Китановска.
– Слабееме за здравје, точно, но слабееме и за изглед, посебно кога изгледот треба да ни е репрезентативен. Посебно кога преку нашата професија учиме други како правилно да чекорат низ животот и нивните очи се вперени во нас. Посебно кога тие очи се оние најмалите и го сметаат за правилно само тоа што го гледаат пред нив…, вели Елена и ни ја раскажува успешната приказна за Билјана:
– Билјана Китаноска е една убава учителка која вежбаше кај мене порано и изгледаше прекрасно. Потоа ја снема и се врати како на првата фотографија (се смее,н.з). Не се мачев со неа воопшто, не само што беше дисциплинирана до максимум, туку уживаше во сите оброци и секоја нова листа ја примаше со воодушевување.
Резултатот што го гледате го постигнале за 16 недели, потоа Билјана продолжила уште некое време за да ги зацврсти навиките -најважниот дел!
– 11 килограми минус, останатите мерки погледнете ги во коментар под постот, фантастични се.Биле, браво жено, ме направи горда и ти благодарам за сите овие прекрасни месеци со тебе.Следно се гледаме во сала, плочките да ги најдиме кај се, радосна е инструкторката.
